ازاى تختار جرانيت مطبخك؟

مقدمة :

كتير منا بيحتار وهو بيشترى ( رخام المطبخ ) للتصحيح هو جرانيت لكن الشائع بين العملاء (رخام) الحيرة بس مش بتكون هو رخام ولا جرانيت الحيرة بتكون فى الاسعار والخامات والاشكال ومصرى ولا مستورد عشان الحيرة والاسئلة الكتير احنا هنقدم لكل عملائنا وغير عملائنا الدليل الشامل الى يساعدك فى اختيار افضل خامة لمطبخك عشان دى حاجة العمر كلة .

شق الثعبان :

اول نصيحة ممكن حد ينصحك بيها انك تنزل شق التعبان عشان دة (المنبع) كما يقال وهناك هتلاقى الاسعار اقل وانت اكيد اولى بفرق السعر .

تعالى بقى نعيش داخل سيناريو رحلة شق التعبان :

1- هتنزل تلف فى شق التعبان عشان تعرف الاسعار اية لحد ماتلاقى الشكل اللى يناسبك بالسعر اللى يناسبك مع العلم ان انواع الرخام والجرانيت فيها درجات او (فرز) زى السيراميك مثلاً بس خلينا متفائلين وهنقول انك اخترت خامة بدون اى عيوب اللى لا يعلمها سوى التاجر او الصنيعى . ملحوظة لازم تزود على امتارك متر زيادة تقريبا للهادر .

2- هتقطع الخامة الى اخترتها حسب مقاساتك دة بسعر غير سعر الخامة .

3-اكيد كمان هتشطب هناك ولو فى فتحة حوض فتحة فلتر او اى تفاصيل فنية ودة بسعر تانى . ملحوظة كل دة داخل شق التعبان مش فى مكان واحد فعندك حساب انتقالات داخلية .

4-هات عربية تنقلك من شق التعبان لشقتك . (السعر حسب المكان )

5-اعمل حسابك على اتنين رجالة يشيلو الخامة يطلعوها شقتك. (السعر حسب الدور والكمية )

6- هات صانيعى يركب بقى الشغل دة وربنا يستر ميطلعش عيوب فالشغل وربنا يستر وميكسرش منة حاجة ويجيب العيب على الخامة وطبعا حضرتك هتنزل تانى تجيب اللى اتكسر تانى .

دة اصلا لو مفيش حاجة اتكسرت اثناء النقل او صعود الحاجة للشقة .

ها دفعت كام لحد دلوقتى .

المكان الموثوق بة :

بعد ماعرفنا شق التعبان تضمن منين ان المعرض دة اختيار افضل من شق التعبان اولا المعرض او الشركة افضل لان الشركة ملزمة انها تورد الشغل بجودة ترضيك بالسعر المتفق علية بدون اى زيادة وفالوقت المتفق علية .

المعرض او المكان اللى انت داخلة اطمن لو لقيت السعر على العينة بعض المعارض او الاماكن مش بتحط السعر على العينة بحجة ان السعر مش ثابت وبيستغلو لترويج اكاذيبهم بحال الدنيا والغلاء وكمان لو انت عميل شغلك فى فيلا غير لو شقة لو انت من مدينى او الرحاب وهكذا بيحط السعر حسب العميل ودة يعتبرغش اما لو السعر على العينة دة فى حد ذاتة امانة ومصدقية .

ملحوظة : لا تسعد بالسعر الرخيص لان الجرانيت والرخام درجات (فرز) .

 نصائح عامة :

1- رخام ولا جرانيت :

لو قررت انك تروح معرض طبعا اتفقنا على الجرانيت مش الرخام لية اولاً الرخام مادة حجرية ذات مسام مفتوحة يعنى بتشرب الأحماض والمياة ولا تتحمل الخدوش زى السكينة مثلاً يبقى مش هينفع غير الجرانيت .

ملحوظة:

الرخام الوحيد الذى يستخدم للمطابخ ( الأخضر هندى ) ولكننا لا ننصح بة عملائنا .

2-الجرانيت المصرى ولا المستورد:

الجرانيت المصرى لا يختلف عن المستورد فى شئ من حيث الصلابة والجودة والسمك 

سمك الجرانيت 2سم الاختلاف الوحيد فى الشكل والالوان الجرانيت المستورد يمتاز بقيمة جمالية اعلى بكثير وقد تكون الصلابة افضل فى المستورد بعض الشئ.

المحظورات :

هناك بعض الانواع فى الجرانيت ننصح عملائنا بالابتعاد عن اختيارها وليس لعدم جودة الخامة ولكنها فى بعض الحالات قد تكون لا تصلح فى استخدام المطبخ على سبيل المثال وليس الحصر :

1- جرانيت روزا النصر جرانيت مصرى: صلب وجيد ويصلح للمطابخ لكن فى حال اختيارة لقطعة بمقاس 3 متر وبها حوض كبير وبوتجاز فكل هذا يضعف من صلابة  الخامة .

2-جرايت حلايب ونيو حلايب : بحكم ان هذة الخامة اللون الغالب بها ابيض فانها لا تتحمل الزيوت والاوساخ ومع مرور الوقت يتحول اللون الابيض الى اصفر او ابيض شاحب.

3- جرانيت مستورد ( كشمير جولد . كشمير أصفر . مون لايت ) هذة الانواع ذات صلابة عالية جدا واشكال فائقة الجمال ولكنها تشرب السوائل وتترك علامات (بقع ).

هذة المحظورات ناتجة بحكم التعامل فى هذة الخامات لذا ننصح بها للأمانة المهنية ويعود القرار والاختيار للعميل .

 انواع الجرانيت التى تصلح للمطابخ

الجرانيت المستورد:

https://tinyurl.com/vk7k2d2u

الجرانيت المصرى:

https://tinyurl.com/38pn7e74

كل ماقدمناه اليكم ناتج بحكم تواجدنا فى السوق منذ اكثر من 20 عام وقد قابلنا من تعرضو لمتاعب فى رحلة شق التعبان او من تعرضو للغش التجارى او من تعرضو لخامات لا تتناسب معهم بحكم ان المعرض لايبحث عن مصلحة العميل ولكن كل همة هو البيع فقط دون ان يلتفت لمصلحة العميل .

نتمنى التوفيق للجميع ونرجو ان يكون هذا المقال دليل لكم لشراء ما يناسبكم .

شعارنا دائماً هو : سعر 💲 موعد ⏱ جودة 👌

تواصل معنا من خلال صفحتنا على الفيس بوك :

https://www.facebook.com/obour.sc/

زورو معرضنا  :

مدينة العبور الحى الأول سنتر لؤلؤة العبور أمام المجمع الأسلامى وأسواق أهالينا بجوار كبده ومخ الشرقاوى .

 

او من خلال الهاتف :

0244915444

م/ حامد فهمى :  للتواصل من خلال الأتصال أو الواتساب أضغط هنا  01011077449 أو 01222705317